May 30, 2011

මුණු පොතේ රස කතාව 1 හෙවත් කැළුම් අයියාගේ කවිය 2

 මුල් කොටස බලලා නැත්නම් මෙන්න

කිනිත් හෙට්ටිආරච්චි
කැළුම් අයියේ වැඩේ නැගලා ගිහින් නේ :) :)

කැළුම් විජේවර්ධන
හෙහ් කිනිත් බලාන් යනකොට කාටත් ඔය ප්‍රශ්ණය තිබිලා තියෙනවා වගේ :P :D

ඉදුනිල් ධම්මිකා
අයියෝ කැළුම් මොකද මේ....?

හසී මුතුකුමාරණ
නෙත් අද්දර හීන මවා ගීත කියනවාලු
මුලු ලෝකෙම පා අද්දර ගෙනත් තියනවාලු
හිත අද්දර නවතින්නට අවසර අයදීලු
නුඹේ කිරිල්ලි ඔවට නම් රැවටෙන්නේ නෑලු

කිනිත් හෙට්ටිආරච්චි
කිරිල්ලියෝ කියන කතා අදහන්නට බෑලු
password ඉල්ලුවාට ඒ දෙන්නෙත් නෑලු
මගේ එකෙන් friend list එක බලන්නවත් බෑලු
මම ම කියා දුන් privacy මට පෙන්නනවාලු

හසී මුතුකුමාරණ
privacy ගැන කියලා දුන්නේ සෙනෙහස වැඩි හින්දයි
password ඉල්ලන්නේ හිත යට සැක හින්දයි
friend list එක බලන්නේ ගැටුමක් ඇති කර ගන්නයි
කිරිල්ලි නැති වෙන්නේ නුඹට විස්වාසේ නැති හින්දයි

කිනිත් හෙට්ටිආරච්චි
කිරිල්ලිගේ හොර හිත ගැන ඇය බය වෙනවාද?
password දෙන්නේ නැත්තේ ඒ හින්දා නේද
අඩු තරමින් විනාඩියක් log වෙනු දෙනවාද
ඉතින් කරව වැඩගැන සැකයක් ඇති නොම වේද

හසී මුතුකුමාරණ
ජීවිතයේ දුර ගමනක් යන්න තියෙනවානේ
ඇ‍ තේරුම් ගන්නට ඔබ සමත් වෙන්න ඔනේ
නොදෙන කිනිත් හෙට්ටිආරච්චි  ගන්න රන්ඩු ඔනේ නෑනේ
ඝනදෙවි නුවනින් log වෙන්නට පුළුවන්නේ

උනිඳු රණසිංහ
කිරිල්ලිගේ හොර වැඩ ගැන අල්ලන්නට‍ඓහෙම
password  ඉල්ලාලා ගත්තත් අනේ කොහොම
කිරිල්ලිගේ account ගැන ඔහේ දන්නේ කොහොම
නුඹත් එක්ක මල් කඩනවා වෙන නමකින් ඈම

කිනිත් හෙට්ටිආරච්චි
@  හසී මුතුකුමාරණ
ඔච්චර හොඳනම් දුන්නට පැත්තක් යනවාද
දෙන්නේ නැත්තේ හොර වැඩ අහුවෙන හින්දා නේද
මගෙන් ඉල්ලුවානම් මම නොදී ඉන්නවාද
(හැබැයි  දෙන්නේ ඔක්කොම වැඩ කිල්යර් කරලා නේද) :) :) :)

හසී මුතුකුමාරණ
හොර වැඩ ගැන කුමට ඉතින් අකුරු කරනවාද
privacy ගැන හොදට දන්නේ ඔබම තමයි නේද
තවත් වෙලා මෙහි රැදිලා කුමට කරමි වාද
නුඹේ කිරිල්ලි රුක ගනු නොම වී තවත් ප්‍රමාද.... :D

කිනිත් හෙට්ටිආරච්චි
ඌරු මාළු උගේ ඇඟ උඩ තියා කපනවාලු
කියා දුන්නු මොඩ තමක මහත දැනෙනවාලු
මම එන පොට හොද නැත දැන hasi ෂේප් වේලු
තනියම මොන වාදද මම මෙතැනින් යනවාලු

කාවින්ධ්‍යා රත්නායක
මෙන්න බොලේ යස අපූරු කවිත් ගෙතෙනවාලු
කවි මඩුවක් ලෙසටම මෙය නැගලා යනවාලු
මේවා බලන් ඉන්නට බැහැ කටත් කසනවාලු
ඒත් ඉතින් වැඩ කරන්න දැන් මම යනවාලු

කැළුම් විජේවර්ධන
හොර එළිවෙන බයට හිතෙන්
පලා යන්න එපා තවත්
ඇත්ත කතා ගොඩක් මැදින්
කවි ලියවී නැද්ද කියන්

කිනිත් නුඹේ වචන බලන්
හසී තවම ඉන්නේ බයෙන්
එළිවෙන හොර රහස් වහන්
උන් යනවා  අපට බයෙන්

එන්විෂන් කම්පියුටර් නෙට්කැෆේ
කියන්න දෙයක් නෑ .. හැමොම  එළඑකටම දීලා තියෙන්නේ ඔය

සමුද්‍රා ජයලත්
තව ලියන්න කිසිම දෙයක් ඉතිරි වෙලා නෑලු
මුණු පොතේ රජ වැඩ ටික එළියට පැනලාලු
poke, like, friend requrst දැන් පරණයි යාළු
අපි කවුරුත් දැන් ඔවට රුවටෙන්නේ නෑලු...
 


කවි සැට් එක මෙතනින් ඉවරයි කැළුම් අයියා ආයිම ඒ කවියම දැම්මා ඒකට අපේ රත්ගම මල්ලිලා හේම කමෙන්ට් කලා.. ඒ ටික නම් මට සේව් කරගන්න බැරි උනා....

May 28, 2011

මුණු පොතේ රස කතාවක් 1 හෙවත් කැළුම් අයියාගේ කවිය 1 කොටස....

 සිදංගනා ලෙස මුණු පොතේ පිස්සු නටන කාලේ සිද්ද වුනු රසවත් සිද්දියක් මේක.... ඒ සදහා  මුල් වෙන්නේ කවිය නමින් බ්ලොග් එකක් ලියන  අපි කවුරුත් දන්න  මුණු පොතේ පරිඝණක උදව් ගෘප් එක කරන අපේ කැළුම් අයියාගේ ස්ටේටස් එකක් ..


කැළුම් විජේවර්ධන
මුණු පොතේ නුඹ ඉන්නා ඉසව්වේ
අනංගයෝ කැරකෙනවලු නිදැල්ලේ
වැට් ආවට නොවැටී මං මුලාවේ
නුඹ ඉදපන් මගේ සිහින ඉසව්වේ

සුජී විදාන පතිරන
මැක්සා...

ධම්මිකා පෙරේරා
හී හී......

වජිර උඩුරාවන
ලොල්


එරංගා නදීශානි මුදලිගේ
ප්‍රොෆයිල් එකේ පාට පාට මුණු දමනවාලු
සමහරවිට කවුද කියා අදුනන්නත් බෑ ලූ
ජීවිතේට දැක නැතුවට ඇක්සෙප්ට් වෙනවාලු
මගේ රංකද මතක නේද මා එක්කයි යාළු

කැළුම් විජේවර්ධන
@එරංගා :D :P

කිනිත් හෙට්ටිආරච්චී
දකින දකින සැරේ ඇවිත් poke කරනවාලු
ඒ මදිවට wall ඒකේ link දමනවාලු
දමන දමන photo එකත් like කරනවාලු
මගේ රන්කද like වලට රැවටෙන්නේ නෑ ලූ

කැළුම් විජේවර්ධන

@ එරංගා , කිනිත් :D :P

වින්ධ්‍යා ෆර්නැන්ඩූ
:D
 

නාමලී ගුණතිලක
ගැහැණු මුහුණු දමා ගත්තු පිරිමි ඉන්නවාලු
පරිස්සමින් හිටියෝතින් අනතුරු වෙන්නෑ ලු
අනංගයෝ කැරකුනාට සයිබර් අවකාශේ
ඔබේ රන්කද ඒ අයට රැවටෙන්නේ නෑලු

කාව්‍ය සංකල්පනා
ගෑණු වෙස්  අරන් පිරිමිත් ඉන්නවාලු
පිරිමි වෙස් ගත්ත ගෑණුත් මෙහි ඒලු
මේ ඔක්කොම එකතු වෙලා අපි රවටනවාළු
මගේ රන් කද මං නම් මුන් ඇඩ් කරගන්නෑලු

උපේක්ෂා ප්‍රේමතිලක
ලයික් දාදා පස්සෙන් විත් මාරයි ඔබ කියාවි
වයස ගියත් පේන්නේ නැ සෙක්සි ලුකින් කියාවී
කොල්ලෙක් හිටියත් කම් නැත ආදරේද අසාවී
හදුනාගෙන අනංගයින් ජීවත්වෙන් ප්‍රියාවී

ආරියවංශ හීමූ
වයස ගියත් ඔයා තාම කොල්ලා වගේ කියාවී
ඔය තරමට පින් පාටක් ලැබුනේ කොහොම අසාවී
පණ දෙන්නට වගේ ඇවිත් ප්‍රේම කතා දොඩාවී
පර්ස් එකට ඇනලා පනින කොල්ලොත් මෙහි සිටීවී

සිදංගනා
මුණු පොතේ මම ඉන්නා ඉසව්වේ
අනංගයෝ කැරකුනාට නිදැල්ලේ
වැට් දැම්මට කවි ලිව්වට බිත්තියේ
නුඹට පමණි මගේ සෙනෙහස කුමරුණේ

සන්ධ්‍යා බටු ගහගේ
මොනවා උනත් ඇත්තම ඇත්ත කිව්වේ

කාවින්ධ්‍යා රත්නායක
නමක් ගමක් නොකියනා අය නුඹට ප්‍රේම කරාවී
දුරකතනෙන් කොමළ වොයිස් දාගෙන කවි කියාවී
සිදංගනා හොරෙන් ඇවිත් නැළුම්ට කවි කියාවී
කාවින්ධ්‍යාට හුලං තමයි අනේ ඉතින් හඩාවී ;)

කවි කාරයා
පට්ට කෑල්ලක් දැක්කොත් ඇක්සෙප්ට් වෙනවාලු
මොක කීවත් මේ මීමට තේරෙන්නේ නෑලු
එක පාරක් දෙකක් මට්ටු වුවත් තව බෑලු
මගේ සූකිරි හරක් පැටියා හැදෙන්නේම නෑලු

කාවින්ධ්‍යා රත්නායක
කවි අයියේ කට අරනින් සූකිරි කැට දෙන්න
කැළුම් පුතාගේ සිද්දියේ කවි රස වැඩි වෙන්න
දකින දකින කෙල්ලන් ගැන රස කවි ලියමින්න
මෙයා කරපු දේවල් ගැන ලොවට කියා දෙන්න

කවි කාරයා
දවසක් සූකිරි කෙල්ලක් රික්වෙස්ට් කෙරුවාලු
අපේ මීමත් උඩ පැනගෙන ඇක්සෙප්ට් කෙරුවාලු
කොයි දේසේ හිටියද ඌ මූ හඇක් කෙරුවාලු
කැළුම් බබා මතක නේද අම්බානක චා..ලු..

චන්දන එල්ලාවල
අන්න ඇත්ත කීවිවා
ඔබට කවුද ඇත්තේ
සිහින ඉසව්වක සිටියට
ඔක්කොම හරි නැත්තේ

කාවින්ධ්‍යා රත්නායක
හැඩ මූනක් පෙන්නාගෙන නංගෙක් ආවාලු
මගේ නංගි කියා මෙයා කෙයාර් කෙරුවාලු
කෝල් දිදී රෑට රැට නංගි කියෙව්වාලු
අන්තිමේදි මුණු පොතම ඈ ගිනි තිබ්බාලු

උනිදු රණසිංහ
කවි අයියේ කැළුමාගේ වැඩ ගැන තව කියන්න
මුණු පොතේ ප්‍රයිවසි ගැන ඌට කියා දෙන්න
ඇක්සෙප්ට් වී නැති අයටත් කවි ලියන්න ඔන්න
ඉඩ දුන්නේ කිමදැයි අහලා දැන ගන්න

කවි කාරයා
හිකිස් හපෝ ඇති තව කීවොත් ඔකා මාව කයි .........

කාවින්ධ්‍යා රත්නායක
කවි අයියේ.. දුරකතනය ක්‍රියා විරහිත කරලා ඔප් ලයින් යන එක ඇගට ගුනයි වගේ නැද්ද.. මොකෝ අඩු මොණරේ නැගගෙන මේ වෙද්දි ඔපීසිය කරා එනවා ඇති

කවි කාරයා
අනිවා. මම මේ ගෙදර දුවන්න හදන්නේ දුරකතනේ දැම්මම ඔෆ් කරලා තියෙන්නේ අම්මෝ බොලා ඇක්සිඩන්ට් වොඩ් වරෙල්ලා කොල්ලගෙන්  ප්‍රතිචාරයක් නැති උනොත් දවස් දෙක තුනකින්..



කැළුම් අයියා ආවට පස්සේ සිද්දිය ඊළග කොටසින්....




May 27, 2011

බව්වාගේ ලව් එක


බිදුනු පෙම් හිත 
හදාගන්නට
ජීවිතේ දුක 
නැති කරන්නට
දෑවී ගිනිගත්
‍හිත් සුසානේ
පර මලින්
පෙරාගත් මදු විත

May 25, 2011

නූතනයේ ඒව් විසින් ආදම්ට ලියන වගනම්....

හිතවත් ‍ආදම්..

සියලු ගහ කොල සතුන් අතරේ නුඹ තනිව සිටිනා බව මා දනිමි. සහයෝගයට නුඹට කිසිවෙකු අවැසි බව සුළග ගහ කොළ දුහුවිල්ල සහ මීදුම පවා දන්නා කරුණකි . නුඹ සමගින් දුක සැප බෙදා ගන්නට කෙනෙකුන් සිටිය යුතු බවද මා දනිමි එහෙත් නුඹේම සහකාරිය ලෙස මා මැව්නේ  යැයි ලෝ වැසියන් කිවත් මම එය විශ්වාස නොකරමි.. මන්ද.. ඔවුන් කියන්නේ මාද නුඹගේම ශරිරයේ කොටසක් බවයි.
එය සැබැවක් වන්නට ඇත, නුඹ ශරීරයෙන් මා නිපදෙන්ටත් ඇත නුඹේ ජීවන හුස්ම මා හට ලැබෙන්නටත් ඇත.. ඒය නුඹත් මමත් අතර වු ගනුදෙනුවක් ලෙසට සැලකූ කල මම නුඹට මනුෂ්්‍යත්වයේ නාමයෙන් යහපත් ලෙස සලකමි.

මෙලොව වසන එකම පිරිමියා නුඹ බැවින් නුඹ ආඩම්බර වන බව මා දනිමි. හිතවත් ආදම් මාද ආඩම්බර විය යුතුමය, මක් නිසාද යත් මෙලොව සිටින එකම ගැහැනිය මමයි. මිනිස් කුලය නියෝජනය කරමින් නුඹත් මමත් පමණක්ම ඉතිරි වු ලොවක් තුල නුඹට සිටින්නේ මා පමණක්ම මෙන්ම මට සිටින්නේ නුඹ පමණක්මය.. අප දෙදෙනා  අතර වු බැදීම එකම කුලයේ සතුන් දෙදෙනෙකු සහ එකම කුලයේ ශාක දෙකක් අතර පවතින අන්තර් සහජීවනයක්ම පමණක් බව කරුණාකර තේරුම් ගන්න.

අප සිටිනා ඉසව්වේ නුඹත් මමත් දෙදෙනාම හදුනන්නන් අතර සර්පයා නුඹට ඉතාමත් සමීප බව මා දනිමි.. නුඹ හා මම නොදත් යහපත සහ නපුර පිළිබදව. සර්පයා මා හා බොහෝ දෑ පවසා තිබේ... ඒ අතර නුඹ හා මම අතර මේ තිබෙන්නාවු සබැදියාවේ ස්වරූපය වෙනස් කිරිමේ කූට උවමනාවක් සර්පයා තුල තිබෙන බට මට පැහැදිලිය.. තහනම් ගසෙහි වු මිහිරි ථලය පිළිබදව සර්පයා මා හා පැවසූ දැයින් මා සිත කැළඹුණු බව මා පිළි ගනිමි.. ක්ෂනික මායාවක් යැයි සිතා මා එය අනුමත කලත් මම ඒ ථලය නොවැලදුවෙමි.. මන්ද.. තෘශ්නාව මා තුල නැත . අශාවද මා තුල නොවන්නේය.. සර්පයා විසින් කරනා ලද වර්ණනාව මා සවදානව අසා සිටි බව සත්‍යයකි එහෙත් ගත යුතු දෙයක් එහි නොවුයෙත් ඇසු කනින් අමතක කලෙමි. ඒ හැර ඒ රස පළතුර කන්නට මා තුල සිත් නොවීය...

නමුත් හිතවත් ආදම්.. මා හට වැටහෙන පරිදි නුඹ සර්පයාගේ බසට අවනතව ඒ රස පළතුර අනුභව කර ඇත.. නුඹත් මමත් මෙතුවක් නොදැන සිටි  සංකල්පයන්ගෙන් නුඹේ මනස අවුල් වී  සිතිවිලි ගිනියම්ව ඇති බව මට මනාව පැහැදිලිය. කිසිවිටෙක් මා අපේක්ෂා නොකල තරමේ අසැබි වදනකින් නුඹ මා අමතන්නට යෙදුනේ එනිසා විය හැකිය. නුඹ පළතුර අනුභව කල බවක්වත් නුඹ සිත පිලිගන්නට නොකැමතිය, පළතුර අනුභව නොකල මට වැටහෙන ඒ සත්‍යය අන්ධව සිටින නුඹට නොවැටහෙන්නේ එහෙයිනි.. 

හිතවත් ආදම් මම නුඹට වෛර නොකරමි.. එහෙත් නුඹ පිළිබදව මා සිත තුල කිසිදු ප්‍රේමණිය හැගීමක් නැතිබව මා තරයේ කියා සිටිමි.. නුඹ දැන් කිලිටි වී අවසානය.. නමුත් මා තවමත් නොකිලිටිය.. ඒයම අප අතර දුරස්ථ භාවයට හේතුවක් නොවන්නේද... ඒ දුරස්ථ භාවය එකම මිනිස් කුලය නියෝජනය කරන්නන් දෙදෙනෙකු වන අප දෙදෙනො නන්නාදුනන්නන්  බවට පත් කීරිමට තරම් ප්‍රභල බව නුඹ නොදන්නේද... ඒ නම් මෙලොව මට සිටින එකම මිනිස් පුරුෂ ප්‍රාණියා වුනු නුඹට පෙම් නොකරන්නට තරම් මා සිත අද දරදඩුය.. හේතුව සර්පයා හා එක්ව නුඹ විසින් ආත්මය කිලිටි කරගැනීමයි...

ස්ත්‍රිය යනු සැම විටම වරදෙහි බැදෙන්නියක් නොවන බවත් පුරුෂයන් යනු සුද්දවන්තයින්ම නොවන බවත් ලොවට කියා පාන්නට නුඹ හා මම අතර වු මෙම සිදුවීම ඉදිරියෙහි මිනිස් සත්වයෙකු මෙලොවට බිහිවුනු කලෙක ඔවුනට දැන ගැනීම පිනිස මෙම ලිපිය සුරැකිව තබා ගන්න.. නුඹත් මමත් අතර එක්වීමකින් මිනිස් සත්වයෙකු බිහි නොවුනේ මන්ද හො නුඹ හා මාගේ වැයමෙන් මිනිස් පරම් පරාවක් බිහි නොවුනේ මන්ද යන්න අනාගත ලොවට දැන ගැනීමට මෙම ලිපිය සාක්ෂියක් වනු ඇත...

ඔබට සුභ දවසක්

මීට හිතවත්
ඒව්



ප:ලී ::: කිතුනු භක්තිකයන්ගේ ඇදහිමක් මෙලෙස වෙනස් කොට නිර්මාන රසයෙන් යුතුව ලීවේ එම ආගමට ගැරහීමක් ලෙස නොවන බව කරුනාවෙන් සලකන්න....  මා මෙහි සදහන් කල සියල්ල හුදෙක් නිර්මාණාත්මක උපකල්පනයන්ය...






May 18, 2011

ආදර කතාව 7 හෙවත් අවසන් කොටස


වැරෙන් නෙත් හරින බුවා තුමානන්
වටපිට බලමින් කැරකෙයි විගසින්
ඔහු මේ සිටිනා තැන ගැන අසමින්
කෑමොර දෙයි උන්මාදෙකු විලසින්

විගසින් දුව එන මිතුරු බුවානන්
තොරතුරු පවසයි කියා කතාවක්
බූවී පෙර රැයෙහි කිව් දේ අසලා
බුවාගේ හදවත මිදෙයි බුවීගෙන්

බුවා
පෙම් කරනා කල සුරගන විලසේ
බැන්දම ඇය යක්සනියක් වුයේ
නිවසේ වැඩපල ඇය නෑ දන්නේ
බීලා නටන්නට පමණද දන්නේ

යාළු බුවා
උඹේ අමාරුව සනීප වෙන්නට
උඹම නේද විගහට බැද ගත්තේ
වෙන වෙන උන් හා කා බී නටලා
උඹ අගුපිල් වල දා ඇය යන්නේ

බුවා
ඒ කල ඇය හුරතල් ලද බොළදී
බැන්දට පසුවයි වෙනසක් වුවේ
තවදුරනම් බැහැ මේ ලෙස යන්නට
විගසින් තීන්දුවක් ගනිමී

බුවන් මෙලෙස සාකඡ්චා කරතී
බුවී ගෙදර පාටියකට හැරෙති
බුවා මිතුර සමගින් එහි යනවිට
බුවීගේ මිතුරන් රොත්තම දකිතී

බුවාගේ ඉහමොල තව තව රත්වී
බුවී කෙරේ තරහම තව උපදී
තමන්ගේ ඇගලුම් මල්ලට දාගෙන
තම නිවසින් උව ඔහු පිටව යතී

බුවීට පසුදින වෙරි හිදෙනා විට
බුවා පිටවු බව මිතුරන් කියතී
දුරකතනෙන් සැමියා අමතන ඇය
මැවුනු සිනාවෙන් කතාව කරතී

බුවී
ඩාලිං පැටියෝ කොයිද ඔබ ගියේ
ඊයේ පාටිය අතර තුරේ
උදේ ඉදන් මම සෙව්වා සැම තැන
ඇදුම් කැඩුම් හේමත් නෑනේ

බුවා:
නොනා මහත්තයා දැන්ද නැගිට්ටේ
උන්නද මලාද නෑ දන්නේ
නොබැද උන්නනම් මීට හොදයි බොල
ආයේ නෑ පස් පාගන්නේ

බූවී:
මොකටද මේ හැටි කල බල වෙන්නේ
මිතුරන් හා ඒක් වුනු පමණින්
ඔයාඑන තුරුත්පාටිය තිවුනා
ජොයින් නොවුනේ එහි ඔයාමනේ

බුවා:
දිනක් ඉවසුවා දෙකක් ඉවසුවා
තව ඉවසන්නට මට බැරිය
ගෙදර වැඩත් මමමනේ කරන්නේ
නුඹට එහි කිසිත් වග නැතිය

බුවී:
ගේ දොර වැඩ පල මම දන්නේ නැහැ
එය මාගේ වරදක් නොමවේ
ගෙදර සිටින කල ඩෑඩී එය කලා
මට  ඒවා පැවරුවේ නැහැනේ

බුවා:
දීගෙක ආවේ ඩෑඩී හැරදමා
මට බිරිදක් වන්නට නේදෝ
නොම දන්නේ නම් ඉගෙනගන්නවත්
නුඹ හට ආසාවක් නැතිදෝ

බුවී
ඉගෙන ගන්න මට ඔනි කමක් නෑ
මෙහෙකරුවෙක් නිවසට ගන්නේ
ඩෑඩිගේ නිවසේ අතට පයට මට
හැම දේටම මෙහෙයට ඉන්නේ

බුවා:
එහෙනම් මා හට නුඹෙන් පලක් නෑ
මෙහෙකරු සහේට මම ගන්නේ
ඩෑඩී සමග නුඹ හුරතල් වෙනු මැන
මම නුඹේ මෙහෙකුවෙකුද නොවේ

බුවී:
පෙම් කරනා කල මෙහෙම කීවේ නැහැ
මම යමි ආපසු ඩැඩී කරා
නුඹට අවැසි මාගෙන් වැඩ ගන්නයි
මම නොම වෙමි දාසිය නුඹටා

බුවා:
දාසී බිරියක් වෙන්නට බැරි නුඹ
කෙලෙසද මවකගේ තැන ගන්නේ
නුඹ හා සමගින් තව ඉන්නට බැහැ
දික්කසාදයට සැරසෙන්නේ

බුවී:
දික්කසාදයත් මට සැන සිල්ලක්
තව නුඹ හා ඉන්නට බැරි‍ය
මගේ නිදහසට සීමා පනවන
නුඹ හා යුග දිවි ථල නැතිය

බුවා:
නුඹ කියනා තුරු නොව මම සිටියේ
අප අහසයි පොළවයි වැනිවේ
හදිස්සියේ යුගදිවියට ආවෙන්
මේ දුක් ගිනි මම උහුලන්නෙ

ඒලෙස වදනින් දබරව දෙදෙනා
දෙපසට වෙන් වීලා යන්නේ
මාස ගනන් නඩු කියලා අවසන
දික්කසාදේ ලියවා ගන්නේ

උමතුයි සෙනෙහස අන්ධයි සැමවිට
මිතුරනි එය තේරුම් ගන්නේ
දෙදෙනෙක් එක්වන පමනින් කිසිවිට
ආදරයක් ඇති නොම වන්නේ

දාසී බිරියක්  වන්නට බැරිකල
සැමියන් නිවසින් පිටවන්නේ
බිරියන් අතමයි සැමවිට සැම තැන
පවුලේ සමගිය පවතින්නේ




ආදර කතාව මින් අවසන්

May 17, 2011

ආදර කතාව 6 හෙවත් විවාහ ජීවිතය 2 කොටස

බුවා උදෑසන හතරට නැගිටියි
උදේට දවල්ට කෑම උයා දෙයි
ගේ දොර පිරිසිදු කර තියලා යයි
බුවී සැපට උඩ දාගෙන නිදියයි

බුවා දහවලේ වැඩටම වෙහෙසෙයි
බුවී සැලොන් වල කාලේ ගෙවාලයි
බුවාගේ සැලරිය බුවීට ඉවරයි
ඉතිරි වෙන සතෙන් බුවා හොදට බොයි

නයිට් ක්ලබ් වලට බර්ත් ඩේ වලට
බුවී තුමිය හැමදාමත් සැට් වෙයි
බුවත් එහි ගිහින් හොදහැටි මත් වෙයි
දෙදෙනම මැදියම නිවස කරා යයි

ආයිත් පසුදින ඒ ලෙසටම වෙයි
දෙදෙනට නොදෑනි දවස ගෙවී යයි
මිතුරන් සියල්ල පොරට සිනාසෙයි
බුවීගේ සර්වන්ට් වෙලා යැයි කියයි

යාළු බුවා
අපිත් එක්ක උඹ පොරක් නම් තමයි
ඒ උනාට ගෑනිට බයනේ
උදේට දවල්ට රෑට උයන්නෙවත්
රෙදි සොදන්නෙත් බයටමනේ

බුවා
කෙල්ලතාම හුරතල් වෙනවා බන්
පුරුද්ද අත්හැරුමට බැහැනේ
ගෙදර වැඩක් ඇය ඉගෙන ගන්නේ නැහැ
සෙනේ නිදා මට තමයි වදේ

යාළු බුවා
ලක්ෂරි නිවසක තනිවම හිටි නුඹ
අහවල් දේටද බැද ගත්තේ
අපිත් එක්ක හොද හැටි බීලා උඹ
සුද්දා වගේ නොවේදෝ උන්නේ

බුවා
මගේ ලක්ෂරි ලොව ඇයටම දුන්නා
ගොනෙක් වගේ දැන් මම ඉන්නේ
අද නම් මම බොතලයම බොනවා
මේ දුක අමතක කල යුතු වේ

සිතේ පිඩනය නැති කරගන්නට
බුවා හොදට බී මත් වන්නේ
නයිට් ක්ලබ් එකෙත් දොර අභියස හිද
බුවී බුවා හට අමතන්නේ

බුවී
ඩාලින් වෂ්තුව කොයිද ඔයා පන
පික් කරන්න එන්නැද්ද අනේ
මටත් ටිකක් වෙරි උනා පනේ අද
හැකි විගෂින් ඔබ එනවානේ

යාළු බුවා
බුවාට බීලා සිහිය නැති වෙලා
බාර් එක ලගට එන්න නගේ
අපේ උන්ට නැගිටින්නට බෑ වෙරි
කොල් කරන්නම උන්නේ අනේ

බුවී
මොකක් කියනවද මටත් වෙරි වෙලා
එන්න බැරිව මම මේ ඉන්නේ
ට්‍රයිෂෝ එකක් ගෙන මම ගෙචරට යමි
බුවා ඔහෙම දා පලයන්නේ


බුවාව  දාලා බුවී ගෙදර යයි
බුවාට යන මං නැති වෙන්නේ
යාළු බුවා ගේ කරින් ගිහිල්ලා
පසුදින උදයෙම ඇහැරෙන්නේ




මෙලෝ රහක් නැති ආදර කතාවේ ඉතිරිය තෙක් මතු සම්බන්ධයි

May 12, 2011

ආදර කතාව 5 හෙවත් විවාහ ජීවිතය 1 කොටස

රැයෙහි පාටි දැමු බුවා තුමානන්
ඇගමැලි කඩමින් ඇහැරෙද්දී
අමාවකේ හද මෙන් මුව සකසන්
බුවී හිදියි ඇද ඉස්මත්තේ


බුවා:
රත්තරනේ ඔබ කලින් නැගිට්ටද
තවමත් අළුයම නොවෙද පනේ
ඊයේ චුට්ටක් වැඩි වුවා මට
අමනාපෙන් පසු නොවනු මැනේ


බුවී:
ඉර දෙන්නං තරු දෙන්නං කීවා
මේ ගෙට මම තනිවම ආවේ
මනමාලිය වුනු මා තනි කරලා
කොයි නිවසෙද පෙර රෑ හිටියේ


බුවා:
බොසා එක්ක පොඩි අඩියක් ගැහුවා
නොදැනිනි කාලය යනවා පනේ
උදේ වෙලා යැයි මට දැනෙනා විට
සොයා ඔබව මම ආමි මෙසේ


බුවී:
හනිමුන් යන්නට හොටෙල් බුක් කරා
සුරංගනා ලොව මැව්වානේ
මුළු රෑ තනියම මම නිදි වැරුවා
බොසත් එක්ක නුඹ මොකද කලේ


බුවා:
තේරුම් ගන්නට බැරි ඇයි සොදුරිය
බොසා නිසයි මම මෙහි ඉන්නේ
මේ ගෙය කාර් එක අපිට තියෙන්නේ
බොසා ෂේප් එකේ හිටියොත්නේ


බුවී:
‍බොසා එක්ක නොව කසාද බැන්දේ
මා එක්කයි නුම නොදනීද
මුළු රෑ මා මෙහි තනියම යන වග
නුඹ හට සිතනේ වත් නැතිද


බුවා:
ප්‍රමොෂන් එකේ වැඩ ගැන කීවා
පැය ගනනක් මගේ බොස් උතුමා
බොත්ල් හතරම හිස්වන තුරුවත්
තිබුනේ නැ ඒ ගැන දැනුමක්


බුවී:
සමුදුරු වෙරලේ සුන්දර තැනකට
හනිමුන් යන්නේ කවදද දැන්
අදවත් එහි යමු අපි අප වෙනුවෙන්
වෙන්කල යුතුමයි එක දවසක්


බුවා:
හෙට උදයේ සිට ඔපිස් යා යුතුයි
ඩාලින් එය තේරුම් ගන්න
ටික දිනකින් යමු වීක් එන්ඩ් එකක
එතකල් වස්තුව ඉවසන්න


බුවී:
මොනවද ඩාලින් ඔයා කියන්නේ
හොටම ඔපිස් යා යුතුමයිදෝ
සතියක් වත් ඇයි නිවාඩු නැත්තේ
ඊයේ බැන්ද බව නොම දත්දෝ


බුවා:
බදින්න හදිස්සි උනේ ඔයාටයි‍
නිවාඩු ගන්නට බැරිය මට
තේරම් ගන්නට බැරිනම් ඔබ හට
මා හට කරන්න දෙයක් නැත






පැත්තක් අල්ලන් බුවී අඩනවා
නෑසුනු ගානට බුවා ඉන්නවා
උදේට කෑමත් නැ ඉව්වෙත් නෑ
දෙන්නම දවල්ට එළීයට යනවා

විවාහ ජීවිතයේ ඉතිරිය තෙක් මතු සම්බන්ධයි 

May 11, 2011

ආදර කතාව 4 හෙවත් හනිමුන් යෑම

විගස විවාපත් බුවා තුමානන්
මනමාලිය හා සිටිනා විටදින්
නාද වුනා ඔහුගේ දුරකතනය‍
බොසා එහා පිට ඉදන් කතාවෙන්


බොසා:
මිස්ටර් බුවා ඔබ අද මෙහි නාපු නිසා
මම සිතුවා දුරකතනෙන් ඇමතුමටා
මයි කන්ග්‍රැඩුලේෂන් විශ් ඔල් බෙටා
ප්‍රමෝෂන් එකක් ඔහේට දුනිමි මෙමා


බුවා:
කොහොම තෑන්ක්ස් කරමිද නොම  දනිමි සර් 
හදිස්සියේ බැන්ද නිසයි නාවෙ සර්
මගෙන් වෙන්න ඔනෑ මොනවාද සර්
මගේ ඩියුටි මම අකුරට කරමි සර්

බොසා:
නොකියම බැන්දදමිස්ටර් බුවා ඉතින්
සුභ විවාහ දිවියක් යැයි කියමි මමත්
එන්නට හැකිද ඔපීසියට හවස් අතෙන්
ප්‍රමෝෂන් ලියමු අදදින ගන්න ඇවිත්

බුවා:
දිවි දෙවනි නෑ මේ රැකියාවත් එක්කන්
පැය දෙකතුනක් තුල එන්නෙමි සෑර් ඉතින්
ලියුමත් අරන් පාටිත් දෙනවා සතුටින්
සෙට් වෙමු සෑර් ඇවිත් ඉන්න බාර් එකෙන්

බුවී:
කවුද ඩලා හදිස්සියේ කොල් කලේ
හරි සතුටින් ඔය වගේ ඇයි හිනැහෙන්නේ
දැනගන්නට ඉවසුම් නැතිවයි ඉන්නේ
ලේ පුව්වන් නැතිව ඉතින් කියපන්නේ


බුවා:
ඩලා ඔයාගේ ලක් එක නොවේද මේ
ප්‍රමොෂන් එකක් දීලා මට මෙදිනේ
බොසා කතා කලේ එන්න කියා අනේ 
කව ටිකක්න් යන්න ඔනි ඒ පැත්තේ


බුවී:
හරි සතුටුයි පැටියෝ උඩ පනිමි මම 
අදම ගියොත්  හනිමුන් යන්නේ කො‍හොම
මුහුද අයිනේ තරුහොටලේ යන්න මට
වෙන දවසක ඔප්යි ගියොත් හොද නැද්ද


බුවා:
අවුරුදු හතරක් හිටියා මෙය දෙනකල්
වෙන දවසක හිනමුන් යමු ඩලා ඉතින්
හැමට වඩා ජොබ් එක මට වටී ඉතින්
සමා වෙන්න පැටියෝ දුක් නොදී ඉතින්





මෙලසෙ කතා කී අපේ බුවා තුමා 
බොසා සමහ පාටියකට යන්න ගියා
පසු දින උදයේ අවා නිවස කරා
බුවී කියනවා ඇත පෙම්වත් මිහිරි කතා 


 විවාහ දිවිය තෙක් මතු සම්බන්ධයි....







May 9, 2011

ආදර කතාව 3 හෙවත් වෙඩිම

අපේ ආදර බර ඒ සුදු බුවයි බුවියි
අද බදිනවා මිතුරනි මම කියම් තුටින්
වෙඩිමට ඉන්නේ අවමෙන් කස්ටිය පිරිසක්
දෙදෙනා තුටින් ඉපිලෙයි වියදම් නැතියෙන්


බුවා :
මගේ ප්‍රෙන්ඩ් බුවා රෙජිස්ටාර් කැදවන්න
උදේරැයින් ගියා බබා දන්නවද
අප් ඩීටේල් අහලා පැය ගනනක්ය
ඇයි තව නැත්තේ වෙලාව මට වදයක්ය


බුවී:
ඉවසුම් මටත් නෑ ඩාලින් දන්නවද
අද සිට අපිත් පවුලක් යැයි සිතෙන කොට
රෙජිස්ටාර් එනු ඇත ඔබ ඉවසන්න
ම්තුරන් සමග පොටෝ ෂුට් කරමු අප


බුවා:
සුන්දරයේ ඔබගේ මන්ගල මාලේ
ඊයේ හවස ගොස් මම අර ගත්තානේ
ඩිසයින් කීපයක් විය එම සාප්පුවේ
මට සිත ගිය එකයි මා අරෙගන ආවේ


බුවී:
ඩිසයින් ඇත ඇති පදමට ඩලා ඉතින්
අදට මේක පළදිමි මම සතුටු සිතින්
පසුව අරන් දෙන්න ආස එකක් ඉතින්
ඔයා දුන්නදේ මට වැඩි නෑනේ ඉතින් 


යාළු බුවා
හද්ස්සියේ බදින්න බොට හැදුන විසේ
මමයි කට්ට කන්නේ මහ පාර දිගේ
රෙජා අරන් අවා ඌ කාර් එකේ
වරෙන් පව් නොදි බද්න්න මගේ පුතේ


රේජීස්ටාර්
මනාල යුවල දැන්  අසුනින් නැගිටින්න
මා කියනා වචන ආපසු කියවන්න
ඔබ දෙදෙනා යුග දිවියට යන මෙදින
සාක්ෂී වන මෙන් සැමගෙන් ඉල්ලන්න


බුවා
සුන්දර බුවී මගේ සුරතල් මනමාලි
අද දින සිටන් මම  කරගමි මගේ බාරී
දිවි ඇති තුරා රකිනෙමි සුන්දර දේවී
සාක්සි වන මැන මිතුරන් සැම එක්වී


බුවී
ආදර බුවා සමගින් කුල ගෙයට යමී
යහපත් ලෙසින් ඔහුගේ මම බිරිය වෙමී
පතිනිය වෙලා යන්නට අවසර පතමී
සියලු දෙනම මට සාක්ෂි වනු මැනවී


රෙජිස්ටාර්
යහපති යුවතිපති අද දින විවාපත්
දෙපොට කැපෙන පිහියකි මේ විවාහෙත්
පරිස්සමෙන් පරිහරනය කරොතින්
ඇඹුලත් අතත් බේරෙනු ඇත එය දැනගන්

බුවා සහ බුවී
රෙජිස්ටාර් මහතුනි මිතුරනි හිත් ගත්
ස්තූතියි ආවට හදිසියේ වුවත්
කෑම බීම සංග්‍රහ ඇත භුක්ති විදින්
පින්තූරත් ගන්න එන්න පවුල් පිටින්






හනීමුන් යෑම  තෙක් මතු සම්බන්දයි... ;) ;) ;)















May 8, 2011

මෑණි වරුණි ඔබ නිම්න්..


සහරා කතරට වට වැසි පොද ලෙස 
කර්ෂක වනයක පිපි බම්මල ඔබ
දෙනෙතට කදුලක් නොම දී සනහන
මෑණීවරුණි නමදිමු ඔබ පායුග

දෙව් විමනින් සුරසැප හොරකම් කර
ඔබ උකුලේ සුව යහන් සදාගෙන
ඇද වැටෙනා කල අත් අල්ලන් යන
ඔබයි දයාබර පන්සල් බිම මට‍

මුවගින් නොදොඩන සෙනෙහස් අරමය
පෙම්බර දෙනෙතින් හිත පුරවාලන
තුරුලට ගෙන නොම සැනසූවත් ඔබ
දනිමු ඔබට මුළු ලොවම පුතුන් බව


අද දිනය අම්මාවරුන්ගේ දිනයයි මව් වරුන් වෙනුවෙන් එක් දිනක් පමනක් වෙන් කිරීම සුදුසු දෙයක් නොවුනත් අම්මා වරුන් වෙනුවෙන් වෙනදා නොවන තරමින් යමක් සිතන්නට සහ කරන්නට අද දිනය යොදා ගන්නේ නම් එක් අතකින් මෙහි යහපතක් ඇත.. එහෙත් මෙවර අම්මා වරුන්ගේ දිනයේදී මා ඔබට කියන්නට යන කතාව මින් පසු මෙලොව කිසිදු දිනක සිදු නොවිය යුත්තකි.

ආදර කතාව 2 හෙවත් වෙඩිමට පෙර

බුවී:
ඩැඩී ඔබට කියන්න මට දෙයක් ඇත
හෙට උදේට කරකාරෙට බදිමි මම
දැවැද්දට දෙන දේවල් අර ගන්න
ෂොපින් යමුද අද හවසට අපි දෙදෙන


ඩැඩී:
දුවේ උඹේ මොලේ හිලක් ඇතුවාද
තවදුරටත් මටනම් ඉවසිය නොහැක
හෙට බදින්න බොට ඇති තදියම කිමද
මේ අරුමැක්කේ දැවැදි කොහෙන් බොල

May 7, 2011

ආදර කතාව 1 කොටස

බුවා:
අංජනයකි නෙත් ලග ඔබ මගේ සංජනා
ගව්සිය දහසක් ඇවිදින් සොයා‍ ගත්තේ මා
නෙත් සර පහසින් මන් මත් කරන අංගනා
නුඹ නැතිනම් මට ජිවය නැතිය කිසි දිනා


බුවී: 

නෙත් සර බැල්මෙන් සනසමි රත්තරන් ඔයා
නුඹ වෙනුවට මම කැප වෙමි ජීවිතේ පුරා
අහසින් වැටෙනා තරුවක රන්දලා මෙමා
සබද ඉතින් මා රකින්න මේ භවේ පුරා

May 3, 2011

මායාකාර ඇස් පසුවදන හෙවත් තවලමට තාවකාලික විරාමයක්

මායාකාර ඇස් කතාමාලාව අට වැනි කොටසින් අවසන් විය, බොහො දෙනා කිවු පරිදි එය ‍සුදුසු නෙවන අවස්ථාවක කල ඉක්මන් අවසානයක් නමුත් කතා බීජය මනසේ උපන් මොහොතේ අවසන ලෙස සනිටුහන් කරන්නට උන්නේ මෙයමය.

පිච්ච මල කතා මාලාවට මෙන්ම මායාකාර ඇස් කතා මාලාවට ලබාදුන් ඔබගේ වටිනා කමෙන්ටු වලට සතූතිවත්ත වනනට මෙය අවස්ථාවක් කරගනිමි.. මායාකාර ඇස් හී.. අවසන් දිගහැරුමේ කමෙන්ටු වලට වෙන වෙනම ප්‍රත්චාර නොදැක්වීම පිළබද සමාව භජනය කරන්නටත් මෙයම අවස්ථාවක් කරගනිමි..


මායාකාර ඇස් වලින් පසුව මෙවන් පසුවදනක් ලිවීමේ අරමුණ අනෙකකි.. අට මසක් පුරා සිහින තවලම සමග සිටින ඔබ සැමට කිවයුතු වැදගත් කරුණක් ඇත. සිහින තවලම අටමසක් පුරු ආ ගමන් මගේ දුෂ්කරම මග පෙදෙසකට පැමිණ තිබේ..

May 1, 2011

මායාකාර ඇස් 8 (අවසන් කොටස)



යලිදු රැකියාවට නොයන්නෙමියි මා මටම සපථ කොටගෙන උන්නත් අම්මාගෙත් තාත්තාගෙත් අක්කලාගෙත් ප්‍රශ්න වලට උත්තර සොයන්නට මට බැරි විය.. දින දෙකකට පසු ලොක්කයියා පිටව යැම සිතට සහනයක් උවද ඔහු දෙස බල බලා විදවීම සියල්ලටම වඩා අපහසු කාර්යය වුවේය..  අසනීප ගතිය පෙන්වා කාමරයටම වී සිටියත් ඇතැම් විට අම්මා රැකියාවට නොයෑම පිළිබද දොස් කීවාය..
"දැන් කාලේ ඔය වගේ රස්සාවක් හොයා ගන්න ඒක ලේසිද වූටි දුව... ඔයා හම්බ කරන දෙයක්නේ ඔයාට.. අපි මහ ලොකු පොහොසත්තු නෙවෙයිනේ.." 

යි කියා නිතර අම්මා කන්කෙදිරි ගෑවාය. මම නෑසු කන්ව සිටියෙමි. කාමරයට වී හුදෙකලාව ගත කිරිම මාගේ මනස තවත් අවුල් කරන්නක් වුවත් කිසිවෙකුට මුහුන දීමේ සවියක් මාතුල නොවිනි.