මම

මන්දාරම් අඳුරට පෙම් බඳිනා පහන් වැටිය විලසේ.... හිරු රැස් දහරට ආල වඩන මං බිනර මලකි පොළවේ....... දිය මත පිහිනා රැලී හැඩ ගන්වන විලත් අහිමි විලසේ........ ‍ කිසිත් නොදැන මට මා අහිමිව ඇත නොලැබ පෙමක පහසේ.........

May 26, 2012

මම කවුද ?


අපි අපි ගැන මොනවිදියටද හිතාගෙන ඉන්නේ?

සමහර වෙලාවට අපි හිතනවා තමන් තරම් අහිංසක කෙනක් මේ ලොකේ තවත් නැ කියලා. තවත් සමහර වෙලාවට අපි  හිතන්නේ තමන් තරම් නිවැරදි කෙනක් මේ ලොකේ තවත් නෑ කියලා.  ඒත් අපි අපි ගැන හිතන විදිය කොයි තරම් වැරදිද කියන දේ චුට්ටකට හිතලා බලන්න.

මාත් ඉස්සර හිතුවේ මම විතරයි හරි අනිත් හැමෝම වැරදියි කියලා. දැනටත් සමහර වෙලාවට මම එහෙම හිතනවා. ඒත් එහෙම හිතෙන වෙලාවට මම කල්පනා කරනවා එතනදි මම කොයිතරම් වැරදිද කියලා. ඒ නිසා මගේ හිතට එකඟ නොවෙන දේවල් මම කරනවා අඩුයි. ඒහෙම කරොත් කරන්නේ  ඉවසලා  ඉවසලා බැරිම තැනකදි උපරිම කේන්තියක් විසින් මටම මාව පාලනයක් කරගන්න බැරි උනොත් විතරමයි. මීට මාස කිහිපයකට කලින් එහෙම් සිද්දියක් වෙලා තාමත් මම ඒ ගැන කණගාටු වෙනවා.

ඉතින් මම අද කියන්න යන්නේ අපි අපි ගැනම පොඩි විශ්ලේෂනයක් කරගන්නේ කොහොමද කියලා. IT ඉගෙන ගන්න අපේ යාළුවෝ මේ tool  එක දන්නවා ඇති. ඒත් කවදාවත් ඒක අපේ ජීවිත වලට අදාල කරලා බලන්න නැතිව ඇති නේද.  මම ඒක කරලා තියෙනවා ඒකට අපි කියන්නේ personal swot analysis කියලා 

මේකට අපි කියන්නේ SWOT Analysis කියලා. අපි මෙතනදි කතා කරන්නේ ප්‍රධාන කරුණු හතරක් ගැන.
 
Strengths -  ප්‍රබලතාවයන්
Weaknesses - දුර්වලතාවයක්
Opportunities- අවස්ථාවන්
Threats-  තර්ජනයන්

ඔය කියන හතරට තමන්ගේ  විස්තර දාලා බලන්න දැන්

උදාහරණයක් විදියට මම ලිව්වොත් ලියන්නේ මෙන්න මෙහෙම.

Strengths -  ප්‍රබලතාවයන්

Self motivation
Talents
Honesty
Hard working
Friends
Parents
Good team player
Hard Working
Responsible
Public speaking skills
Good command in English
Writing skills
Experience

Weaknesses - දුර්වලතාවයක්

Bad spellings
Quick temper
Getting disappoint  quickly
Thinking too much
Eating chocolate
Watching films 
Wasting  time in Facebook
Not sleeping enough time
Sensitiveness
Honesty 

Opportunities- අවස්ථාවන්

Elder child in the family
Studying while working
Teaching
Independent
Contacts with grate personalities 

Threats-  තර්ජනයන්

Money
Weakness of mine
begrudge  and Demotivates  of others

 ඔන්න ඔක තමයි මම දැනට මගේ SWOT Analysis එක විදියට කියන්නේ. ඒත් සමහර වෙලාවට මේ දේවල් වෙනස් වෙන්න  පුළුවන්. අපේ ප්‍රබලතාවයන් සමහර වෙලාවට දුර්වලතාවයන් වෙන්න පුළුවන්. අන්න ඒක නිසයි මම අවංක භාවය මගේ දුර්වකමක් විදියටත් දාලා තියෙන්නේ.

ඒකට උදාහරණයක් කියනන්නම්..

අපේ ඉස්කොලේ පොඩි එකෙක් ඉන්නවා. කොල්ලාට අවුරුද්දේදි අම්මා නැති වෙලා, දැන් ඉන්නේ පුංචි අම්මා. තාත්තා හග්ගල  මල් වත්තේ කම්කරුවෙක්. ඒත් පොඩි එකට තියෙන ආදරේට අපේ ඉස්කොලේට දාලා වියදම් කරලා උගන්වනවා. කොල්ලාගේ පසුබිම මම දන්නවා වගේම අම්මා තාත්තා ඒකා වෙනුවෙන් විඳින දුකත් මම දන්නවා.  පොඩ්ඩා හැමෝගේම ආදරය ගොඩක් බලා පොරාත්තු වෙන බව දන්න නිසාම පන්තියේ දඟ කරද්දි මම සැර කරන සීමාව අඩුකලා. ඒත් කල් යද්දි මටම ඒක වදයක් උනා. පොඩි එකා පන්තියේ දැඟලිල්ල වැඩි උනා. බැරිම තැන මම කිව්වා පුතා ඔයා ඉගෙන ගන්තේ නැත්නම් ඔයාටත් තාත්තා වගේ  ගොවිතැන් කරන්න තමා වෙන්නේ කියලා.  පොඩි එකාට ඒක කිව්වේ හැදෙන්න. ඒත් පොඩි එකා ඒක ගත්තේ තාත්තාට කරපු අපහාසයක් විදියට.

පහුවදා උදේම ගේට්ටුව ගාවදි පොඩි එකා මගේ මුණට පැන්නා බැනගෙන. ටීචර් ආයේ එහෙම අපේ තාත්තාට එක එක ඒවා කියන්න එපා  කියලා. මට කට උත්තර නෑ!!  අවවාදයක් දුන්නාට කවදාවත් මම කාගෙත් එක්කවත් වාග් සංවාද වලට යන්නෑ. කියන්න තියෙන දෙයක් සාමෙන් කියලා එතනින් අයින් වෙනවා ඇරෙන්න. මගේ  ඉහ මොලත් එක්ක කීං ගෑවා., තව ළමයිනුත් බලාගෙන හිටියා එතන. මුළු රෑම පාඩම් කරලා මාත් අවුලෙන් හිටියේ.. මම එහෙමම අත්සන් කරලා පන්තියට ගියා. විනාඩියක් යන්න උනේ නෑ. සීනියර්  ශිෂ්‍යනායකයෙක් එනවා කොල්ලා එක්කගෙන.  ඇවිත් මගෙන් සමාව ගන්න කිව්වා. කොල්ල  මූණ රතු කරන් වැඳලා සමාව අරන් ගියා.

ඉතින් මම කල්පනා කලේ මගේ කරුණාව නිසා මම පොඩි එකාට පන්තියේ නටන්න දුන්නා. අන්තිමේ මගේ කරුණාව නිසාම මට පොඩි එකාගෙන් බැනුම් අහන්නත් උනා...

ජීවිතේ එහෙමයි යාළුවනේ. හැම පුංචි සිදුවීමකින්ම  ජීවිතේට  ලොකු පාඩම් ඉගෙන ගන්න පුළුවන්.

එහෙම නම් අද තව මුකුත් කියන්න යන්නේ නැහැ.

ඔයාලාත් SWOT Analysis එක ට්‍රයි කරලා බලන්න තමන්ගේ ජීවිතේ මේ වගේ සාරාංශ කර ගත්තහම තමන්ගේ වැරදි තේරුම් අරන් හදා ගන්නත් තමන්ගේ වටිනාකම් හඳුනාගෙන ඒවා වැඩි දියුණු කරගන්නත් පුළුවන්

එහෙනම් ඔයාලටයි මටයි හැමෝටම ජය!

ප:ලි;
ආදරයෙන් සියල්ලන්ම වෙත.
මෙතන මම නොකියපු. ඔයාලා දකින මගේ දුර්වලකම් තියෙනවානම් මට කමෙන්ටුවකින්  හරි පෞද්ගලිකව හරි කියන්න අමතක කරන්නත් එපා. මොකද අපිට අපේ වැරදි පේනවා අඩුයි. ඒක අනිත් අයටයි වැඩිපුර පේනනේ :D




May 18, 2012

කලියුගය


නිදිමත බේරෙන දෙනෙත පරිගණක තිරෙයන් මුදාගත් පංකජ කෙටි නින්දක් බලන්නට නිදියහන වෙත ඇදී ගියේය. රුකියාවන් සොයන්නට  වෙහෙසෛමින් කාලය කා දමන දහවල් කාලයත් ලෝවටා  සැරිසරමින්  ගෙවන රාත්‍රි කාලයත් අතර විඩාපත්ව සිටි පංකජ විගස නිදි ගොවට පිවිසියේය.

ජීවිතය පුරාවට තමා විවේචනය කරමින් සිටින තාත්තාගේ තරහා පිරුණු  දෙනෙතින් ඔබ්බට යමක් සිතන්නට පංකජට අවැසිව තිබුනි.  දහවලේ සාභාගී වු සම්මුඛ පරීක්ෂනයේ  දි එයට මුහුණ දුන් ආකාරය පංජට සිහිනයක්  මෙන් විය.  එහීදි ඔහු සුදුසු කම් ලැබුවහොත්, රැකියාව කල යුත්තේ දුෂකර වන්නි ප්‍රදේශියේයි. එනයින් රැකියාව නොලැබේවායි යන සිතුවිල්ල පංකජගේ සිතෙහි හොල්මන් කරන්නට විය.

රැයෙහි ජීවිතය සුන්දර වග ඔහුට දැනුනි.  රසැති කතාවලින් , පෙම් රංගන වලින් මෙන්ම විරහා වේදනා වලින්ද සැදුම් ලත් මිතුදම්  සිත සනසාලීය. ඒ මිහිරියාව නිදි ලොවේදිත් පංකජගේ සිතුවිලි හැඩකරලනු ලැබීය.

ඔහු සිටියේ මිතුරන් සමඟින් බියර් කෑන් එකක් තොල ගාමිනි. ඉදිරි පස ක්‍රිඩා පිටිය වට කොටගත් ප්‍රෙක්ෂකා ගාරය තරුණ තරුණියන්ගෙන් පිරි ඉතිරි තිබුනි.  පංකජගේ දෙනෙත් නිතැනින්  ඉහල අහස වෙත ඇදි ගියේය.  කුරුළු පවුලට අයත් නෙවනා විරුපී සතුන්  විසින් සුදු පරවියෙකු වට කොට ගෙන  පරහ පිට පහර මෙන් සිටියෝය. ක්‍රිඩා පිටියෙන් අවධානය ඉවතටගත් සියල්ලෝම  අර විරූපි සතුන් උසිගන්වන්නට විය. අසරණ පරෙවියා කැබලි වි  අර කි  සතුන්ගේ අහරක් විය. පරෙවියාගෙන් කුස පුරවාගත් සතුන් ක්‍රිඩාංගනය වටා  පියඹා ගොස් අතුරුදහන් වන විට අකාශයේ කිසිඳු පරෙවි කුරුල්ලකු ඉතිරි වී නොතිබිනි.

සුහුවිලි ඇවිස්සි ගෙන මහ පෙළව කම්මපා වන  හඩක් නංවමින් විශාල එළ දෙනුන් තිදෙනෙක් ක්‍රිඩා පිටිය මැදට දිව අවෝය.  අවකාශය දුහුවිල්ලනේ වසා දමමින් වියරුවෙන් පිටිය පුරා දුවපනිමින් ඔවුන් පෙළහර දක්වද්දි කිඳුරියන් තුරුලේ සිටි සඳකිඳුරන් ඔවුන් අතැර එළ දෙනුන් පසු පසම දුවන්නට විය. එහි එකම ගොන් පොරයකි.  මොහොතකින් වලිගය පිටුසය සඟවා ගත් බැල්ලියන් මෙන් එළ දෙනුන් පසු බසිද්දි.  කුමරබඹසර බිඳී කිලිටි වුනු කිඳුරන් එකිනෙකා සමගින් මරාගන්නට විය.

පසුබා යන එළ දෙනුන්ට ඔවුගේ වරද පෙන්වා දෙන්නට උත්සහ කල නාඹර වෙළඹක්  එළදෙනුන්ගේ නින්දා වින්දාය. ඇයගේ තුරඟ රාජයා ඒ  දෙස බලා හිඳ මඳ සිනාවක් පා නිහඬ වුවේය. වෙළඹ නොපෙනී ගියාය.

පිටියෙ එක් කෙලවරක කපටි ඇස් ඇති අහික්ණ්ඨකයෙකු ගැඩවිලි පණුවෙකුට  නයි විස පොවමින් සිටියේය.  නයි විස පොවා ගැඩවිලි පණුවා අයිතිකරගන්නට  කපටියා සිහින  මවන්නට ඇත. එහෙත් නයි විසෙන් ඔද බැඳි ගැඩවිලි පණුවා මානික්‍යයක් පෙනයෙන් ගත් නාග රාජයෙකුට   දෙසට ඇදෙමින් සිටියේය. අහිකුණ්ඨකයා ක්‍රොධයෙන් වෙලී ගැඩවිලි පණුවාට දශ්ඨ කරන්නට  ගැරඩියෙකු උසිගැන්නුවේය. පාඩුවේ ගමන් කරමින් සිටි ගැඩවිලි පණුවා උසි ගැන්වී දශ්ඨ කරද්දි වැරදීමකින් අහික්ණ්ඨකයාගේ පුරුෂ නිමිත්තටම විස වැදුනේය. දැන් අහික්ණ්ඨකයා කෑගමසින් සිටී.

සිංහ දේනුවක් බල්ලෙකුගේ බොරු අසා සඳකිදුරියකට බැන වදිමින් සිටිද්දි. මේ සියලු දෑ දෙස විස්මයෙන් බලා සිටි පංකජගේ සිරුර තෙමා හරිමින් අහසින් අසිනි වරුසාවක් ඇද හැලිනි.

"ලොකු මල්ලි කීයේ ඉඳන්ද කතා කරන්නේ.... දැන් උදේ දහයත් පහු වෙලා.. තමුසෙට කෝල් හය හතකට වඩා ආවා... "

"මොනවා..... කාගෙන්ද..."

"ඊයේ ඉන්ටර්වීව් ගිය තැනින්.. බැරිම තැන මම පණිඩිඩේ අහගත්තා... තමුසෙට සඳුදා වන්නි යන්නම ලෑස්ති වෙලා එන්නලු....."

"මොකක්!"

"ඔව් .. ඇයි තමුසෙට යන්න බෑ..ද"

"නෑ... යනවා... කලියුගේ පටන් ගන්න කලින් මේ මායාවෙන් මිදෙන්න ඔනි බන් ලොක්කක්කේ....."

මතකය අතරේ .........


පොඩිම දේටත් හිත රිදවගෙන  මම කේලම් කියාගෙන එද්දි හැම වෙලාවේම ඔයා කිව්වේ, මේ ලොකේ ඔහොම තමයි නඟේ කියලා.. ඇත්ත අයියේ ඔයා ලෝකේ තේරුම් ගත්ත විදිය හරි. ඒ තේරුම් ගැනීම නිසාම වෙන්න ඇති හරි ඉක්මනට ඔයා මේ ලෝකේ දාලා ගියේ.. ඒත් ඔයා යද්දි ඔයා අපිට අහිමි කලේ සුලුපටු දෙයක් නෙවී, යාළුකම සහෝදර කම කියන දේ අහිමි වෙලා මාව නති උනා.. පුංචි කාලයක් නෙවී.. අදට අවුරද්දයි... එදා රෑ ඔයා අපිව දාලා ගියා කියන ආරංචිය අහපු වෙලේ මගේ උගුරේ හිරවුනු දෙයක් නිසා මේ දැනුත් මගේ වචන හිරවෙලා වගේ...
ඔයාගේ නිසල දේහය දිහා බලාගෙන මම හිතා ගත්තේ ඒක දෙයයි.  නෑ... මගේ අයියා ගියේ නෑ.. හාමදාම වගේ ඉන්නවා කියලා.. මට ඔනි උනා අඬන්න.. ඒත් ඇඩුවා කියලා ඔයා ආයිත් නොඑන බව අපි දැනගෙන උන්නා. මම වගේම තව කීදෙනක්නම් දත්මිටිකාගෙන කඳුලු හිර කරන් හිටියාද.
අපේ යාළුකමට ඔයා කරපු සාධාරණකම් ඉදිරියේ අදටත් මට ඔයා නෑ කියන දේ විශ්වාස කරන්න අමාරුයි අයියේ.. මම අසනීප වුනු දාක මගේ කිසිම යාළුවෙක්ට මං ගැන හොයා බලන්න අමතක වෙද්දි, ඔයා කෝල් කරලා කෑ ගහනවා පියාඹන කුරුල්ලෝ කොහොමද ලෙඩ.. ඉක්මනට සනීප වෙයි නේද කියලා. මම දන්නවා උනත් ඔයාට නෑහෙන බව මම කිව්වේ ඉක්මනට සනීප වෙලා එනවා කියලා.
 අදටත් ඔයා වගේ යාළුවෙක් මට හදා ගන්න බැරි උනා. ඒත් දුකක් නෑ අයියේ.. ඔයා වගේ හොඳ යාළුවෙක් මගේ ජීවිතේ ඉන්නවා කියලා   මම මගේ හිත හැම වෙලාවේම රවට ගන්නවා.
අපි අවාසනාවන්තයෝ.. ඔයා වගේ මිනිස්කම් පිරුණු කෙනක් අපිට නැති උනේ ඒක නිසා.
මට දෙයක් දැනෙනවා ඔයා මේ වෙද්දි අළුත් අම්මා කෙනක්ගේ උකුලේ නිරෝගී දරුවෙක් වෙලා ඉපදිලා ඇති. ඒහෙම උනානම් අපි මේ ආත්මෙදි කොහේදි හරි මුණගැහේවි අයියේ..
මට පුළුවන් මේ පිටුව පිරෙන්න අපේ යාළුකම ගැන යුනිකේත පුරවන්න මට පුළුවන්.. ඒත් අදටත් මට හයියක් නෑ.. මගේ හොඳම යාළුවා නොහිතපු වෙලාවක මාව දාලා ගියා කියන ඇත්ත පිලිගන්න..අදට අවුරුද්දයි අයියේ....... L
ඔයා වෙනුවෙන් මේ පුංචි සටහන නොලිව්වොත් මම අපේ යාළු කමට කරන ලොකු ද්‍රොහිකමක්...
ඔයා වෙනුවෙන් මට කරන්න පුළුවන් එකම දේ මම කරන හැම හොඳ දේකදිම ඔයාව මතක් කරලා ඒ හැම පිනක්ම ඔයාට අනුමෝදන් කරන එක විරමයි.....
ඔයා ඉන්න ලෝකෙක සතුටින් ඉන්න.. මේ පියාඹන සතාට හැමදාමත් ඔයා හොඳ යාළුවෙක් බව මම දන්නවා...........

May 13, 2012

මගේ හොඳම මිත්රිය | My Best Friend

විටෙක අත් වැල් පටලා ඇවිදන් යන්නට
එකිනෙකා වැළඳගෙන රස කතා මුමුනනන්නට

තව විටෙක උරණ වී දොස් කියන්නට
දින ගන්න එකිනෙකාට රහසින් හිනා සෙමින් තරහා වී සිටින්නට

මෙලොව අප ජීවිත සරනත උතුම් ආත්මයේ ආදරය 
වැඩිපුර ලබා ගන්නට පොර කන 

කැඩපතක් මෙන් මසිත කියවන ඔබ
පුරා හඳක් නොවේද මගේ දිවියට

අම්මා කියනවා වෙනුවට 
ආසයි මම
මගේ හොඳම මිතුරිය ඔබ යැයි කියන්නට 


එක දිනකට සීමා කල නොහැකි මුත් අපේ බැඳීම සංවත්සරය  

සදාකාලිකයි නොවෙද 

අම්මාවරැන්ගේ දිනය අද! 

May 10, 2012

Press conference with නොකිලිටියාවේ කුමරිය


සුබ මධ්‍යහනක් හිතවත් මාධ්‍ය සහෘද්දයනි අද ඔබ අප හමුවේ අමු අමුවේ තමන්ගේ කතාව කියන්නට පැමිණ තිබෙන්නේ නොකිලිටියාවේ ඔටුන්න හිමි කුමරිය  කීගිරිල් ගැදිරෙලෝනා කුමරියයි.

නොකිලිටියාව අප කවුරුත්  දන්නා  සමුද්දිමත් දේශයක්, නවීන තාක්ෂණය සමඟ  ඉදිරියට යන නොකිලිටියාව  දේශයේ මීලඟ ඔටුන්න හිමි කුමරිය වන්නේ අද ඔබ හමුවේ කතා කරන කීගිරිල් ගැදිරෙලෝනා මෙනවියයි.  ඇ ගෙන් ඇසිය යුතු ප්‍රශ්න සියල්ල මේවන විටත් ඇයගේ පුද්ගලික ලේකම් වරයා වන යැමිටෝ ඇකුටෝන්නා මහතා වෙත ඔබ මේ වනවිටත් බාරදී තිබෙනවා. ඇය සූදානම් ඔබ හමුවේ අදහස් දක්වන්න.

නිවේදක : මුල්ම පැනය; මෙනවිය ඔබගේ පවුල් පසුබිම විස්තර කරන්න

කීගිරිල් ගැදිරෙලෝනා කුමරිය : ඔහ්!!  නෑත්ක්ස් මට මේ චාන්ස් එක දුන්නට ඇක්චුවලි අපේ ඩෑඩ් තමයි මේ වෙද්දි නොන්ඩර්ට් කින්ග්, මම එයාගේ වන් ඇන්ඩ් ඔන්ලි ඩෝටර්. නොන්ඩර්ට් කන්ට්‍රි එක  ගොඩක් ඒන්ෂන් දවස් වල ඉඳන් රූල් කරලා තියෙන්නේ අපේ ජෙනරේෂන් එකේ අය තමා.

(ප්‍රෙක්ෂකාගාරයෙන් බාධාවක්.. අතුරු ප්‍රශ්ණයක්)

සමාවෙන්න කීගිරිල් ගැදිරෙලෝනා කුමරියනි රූල් කලේ බාගේ අඩි රූලෙන්ද මීටරේ කොදුවෙන්ද.. ?

කීගිරිල් ගැදිරෙලෝනා කුමරිය:  ඔහ්!! නෝ නෝ නෝ.... රූල් කලා කිව්වේ අපේ අය තමා එහේ කින්ග්ස්ලා.. පලාණය පලාණය කලේ අපේ අය කියලායි මම කිව්වේ.

නිවේදක: ඔව්  කීගිරිල් ගැදිරෙලෝනා කුමරියනි මීලග ප්‍රශ්නයත් අතුරු ප්‍රශ්ණයක්.. ඔබ කැමති ඔබව කුමන නමින් හඳුන්වනවාටද ?

කීගිරිල් ගැදිරෙලෝනා කුමරිය: ඔ මහි ගෝඩ්... ! (කොමල සිනා පා ) ආ... මම ආසයි මාට කිගී කියනවාට ඒක මගේ පෙට් නේම් එක  ඒක තමායි

නිවේදක: එහෙනම් මෙනවිය මේ අවස්තථාවේ සිට මම ඔබ තුමියට කිගී කියා ආමන්ත්‍රණය කරන්න අවසරද

කිගී: ෂුවර්...!! සූවර් වයි නොට් ඔයාට කැමති දෙයක් කියන්න නිවේ....... (කුමරියගේ මුහුන වපර විලාසයක් ගනි ඒ ඇය එක ඇසක් පුංචි කිරිමට තැත් කල නිසාවෙනි)

නිවේ: හොඳයි කිගී ඔයා දැන් මට කියන්න ඔයා ආදරය දකින්නේ කොහාමද කියලා.

කිගී: ආදරය.. ඔහ්!! ආදරය.. ආදරය තරම් උතුම් දෙයක් මේ ලොකේ තවත් නෑ නිවේ.. කිගීගේ ජීවිතේ ලොකුම දේ තමයි ආදරය ආදරය නැත්නම් කිගීට හුස්ම ගන්නත් බෑ ඇත්තම කිව්වොත් මෙයා කිගී කියන්නේ ආදරේ කරන්න ගියාම පිස්සු හැදිලා වගේ ආදරේ කරන කෙනක්.. ඔයා දැකලා තියෙනවාද අනර්කලී, බිම්මා බිසව්. අශොකමාලා. වගේ අය. ආදරේ නිසා මොන තරම් දේවල් කලාද.. කිගිත් එහෙමයි.. කිගිගේ තාත්තා කිගීට හොයන්නේ කිගී වගේම ආදරේ විශ්වාස කරෙන කෙනක්ව මේ දවස් වල තාත්තා කිගීට කෙනක් හොයනවා.. කැමතිනම් ඇප්ලයි කරන්න පුළුවන්

නිවේ: ඒකනම් ගොඩක් හොඳ ආරංචියක් වේවි අපේ  කොල්ලෝ සෙට් එකට. අපි කියමුද කිගී අයදුම් කරන්න ඔනි විදිය

කිගී: KGM <ස්පේස්> Iliketodie   කියලා මුට්ටිය දුරකතන ජාලයෙන් SMS කරන්න ඇති තරම් 3035 ට

නිවේ: ඔව් ඒක ගොඩක් හොඳ ආරංචියක්, ඔයාලා කැමතිනම් කිගීගේ ස්වාමිපුර්ෂයා වෙන්න එහෙමත් නැතිනම්  නොකිලිටියාවේ අනාගත රජු වෙන්න මෙන්න අවස්ථාව , කිගී මොනවද විශේෂ කුසලතා ඔයා බලා පොරොත්තු වෙන.

කිගී: හොඳ පළළ උරහිසක් තියෙන්න ඔනි, හොඳට උයන්න පුළුවන් වෙන්න ඔනි, වාහන සොදන්න, කඩේ යන්න, රෙදි සෝදන්න, බල්ලෝ නාවන්න, ගේ අතු ගාන්න වගේම අපේ ඩැඩීගේ රුවුල කපන්නත් වෙන්නේ එයාට තමයි.

නිවේ: සමාවෙන්න කිගී ඔයා හොයන්නේ ගෙදරට මෙහෙකරුවෙක් නෙවීනේ

කිගී: වට් නොන්සන්ස් මෙයා. දැන් කාලේ හස්බන්ඩ්ලා ඔය සේරම කරන්න ඔනි. ඔවට මට කොයින්ද වෙලා මෙයා , මගේ ෂෙඩූල් එකේ හැටියට උදේ පාන්දර දහයට නැගිටලා ඇරොබික්ස් කරන්න ඔනි පැයක්. ඊට පස්සේ බ්‍රෙක්ෆස්ට් ඊට පස්සේ මම යනවා බයිසිකල් පදින්න, ඇවිත් ලන්ච් ගන්නවා  ලන්ච් එකෙන් පස්සේ සැලෝන් යන්න ඔනි හයට ඒක ඉවර වෙන්නේ ඊට පස්සේ මම යනවා මෙඩිටේෂන් වලට රෑ නවයට ඒක ඉවර කරලා එහෙමම ක්ලබ් එකට යනවා  ඊලඟ දවසේ පාන්දර මට වෙනවා මෙයා ගෙදර එද්දි  ආම් සෝ බිසී ...... ඒකයි.

නිවේ: ඔව් ඉතින් කුමාරිකාවක් උනාම කාර්‍යබහුල වෙනවා තමයි. ඉතින් කිගී මට කියන්නකෝ ඔයා මීට කලින් කාටවත්ම ආදරේ කරලා නැද්ද.

කිගී: වයි නොට් මෙයා මම ගොනුස්සෙකුට ආදරේ කලානේ..

නිවේ: මොකා !! ?? ගෝනුස්සෙකුට. ???

කිගී : යා යා මෙයා එයා මට මීට් උනේ ෆේස්  බුක් එකෙන්.. ප්‍රොෆයිල් එකට දාලා තිබුනේ ඒකෝන් වගේ බ්ලැක් ඇමරිකන් ලුක් ගයි කෙනක්ව.. මාර හැන්ඩ්සම් මෙයා හරිම ස්වීට්. මම එයා වෝල් එකේ ලියන හැම එක්කම කියෙව්වා. ලයික් කලා , එයා දැනගත්තා මම එයාට කැමතියි කියලා එයා  හැමදාම රෑට රෑට මා එක්ක චැට් කලා.. ඒ චැට් මා ගාව තාමත් සුරක්ෂිතව තියෙනවා. අපි කොච්චර චැට් කලාද කියනවානම් අනේ නිවේ ඔයාට කියන්න සමහර දාට එයා  ටොයිලට් යද්දිත් ලැප් එක අරන් යනවා මාත් එහෙමයි මෙයා.. හරිම ස්වීට් ඒ කාලේ.. මම ගොඩාක් හැපී  එකේ හිටියේ වාව්.... (මොහොතක්  දෙනෙත් පියා අතීතය  මෙනෙහි කරයි)

චැට් කරලා කරලා අන්තිමේ අපි ලවර්ස්ලා උනා. එයා හැම වෙලාවේම වීඩියෝ කොල් ගන්න කොට අපේ ඩැඩී ලොකේ වගේ ගිහින් ගෙනාපු ගොල්ඩ්, ඩයමන් , ජෙම් කාවින්ග්ස් වලින් හදපු ජුවලරීස් දාගෙන මම හිටියේ. අපේ අළුත් බෙන්ස් එකට හේත්තු වෙලා අපේ අළුත් ගෙදර හොඳට පේන තැනකට වෙලා මම එයාට  වීඩියෝ කොල්ස් ගත්තේ ඒ උනාට එයා හැමදාම  වීඩියෝ එකට පේන්න ඉන්නකොට පෙන්නුවේ ගෝනුස්සෙක් විතරමයි. ඒකයි මම ආදරේට ගෝනුස්සා කිව්වේ ඒත් අන්තිමේ එයා ඇත්තම ගෝනුස්සකේ උනා.. ඉහි ඉහි ඉහි..( කිගී හොටු පෙරමින් හඬයි.. ලේකම් කඳුලු පිසියි. ඔඩියන්ස් එකත් හඬයි... සෝක බරිත මොහොතකි)

නිවේ: අඬන්න එපා කිගී ප්ලීස්... කියන්න ඇයි එයා  ගෝනුස්සකේ වගේ උනේ කියලා....

කිගී: එයා දෙකයි හැත්තෑ පහේ ලොසින්ජරයක් කන්න කියලා මගෙන් සල්ලි ගත්තා. මට චංචා කලා, මට බොරු කලා, වෙන කෙල්ලක් එක්ක චැට් කරනවා මගේ අතටම අහු උනා.. එයා මහා බොරුකාරයෙක් වංචාකාරයෙක් මගෙන් යාළුවෙන්න ඇහුවා. මහ දුෂ්ඨයෙක්, ඇත්තමයි නිවේ, මට පස්සේ හිතුනේ මං වගේ කුමාරිකාවකට නොගැලපෙන කෙනක්ට මම මොකට ආදරේ කලාද කියලා මම හරියට මෝඩ උනා බොරුකාරයෙක්ට අහුවෙලා මම අපේ ෆැමිලි එකට ඉන්සල්ට් කලා... මම මටම ඇත්තටම හේට් කරනවා නිවේ.. මට මැරෙන්න ඔනි.... මේ දැන් මැරෙන්න ඔනි.....

ලේකම්: ප්ලීස් නිවේ මල්ලි.. අපේ  කිගී හරි සෙන්සිටිව් මෙයා.. එයාට කවුරුත් කවදාවත් බැනලා නෑ.. එයාට බැනුම් අහලා පුරුදු නෑ.. ඒ වගේම තමයි එයාගේ හිත කවුරුත් රිදවලා නෑ..  එයා හැමවෙලාවේම අනිත් අය වෙනුවනේ හිටියේ එහෙම කරන මෙයාට හිත රිදෙන ප්‍රශ්ණ වලින් දමලා ගහන්න එපා නිවේ... ඔයාට පින් සිද්ද වෙයි.. මගේ ලේ කකියනවා මගේ කිගී මැඩම්ට කවුරු හරි හිතරිදෙන දෙයක්  කියද්දි.. ප්ලීස් ප්ලීස් මට කියන්න මගෙන් අහන්න ඔය ප්‍රශ්ණ ... වඳින්නම් කිගී මැඩම්ට නම් හිත රිදෙන්න දෙන්න එපා.... (ලේකම් පොළවේ පස් කමින් හඬයි)

කිගී: අඬන්න එපා ලේකි අයි නෝ යු ලව් මී.... (ලෙකම් කිගිගේ පෙතුල ලෙව කයි)

ලේකම්: යූ ආර්ද බෙස්ට් කිගී.. ඔයා තරම් කෙනෙක් තවත් නෑ...

කිගී: තෑන්ක්ස්  ලේකී  (පාවෙන හාදුවක් දෙයි.. ලෙකම් සිහිසුන් වෙයි)

නිවේ: ඔව් මිත්‍රවරුනි අපේ සංවාදය දැන් ඉතාමත් සංවේදී  මොහොතකට ඇවිත් ඒ නිසා අපි අවසාන වශයෙක් කීගිගෙන් අහමු ඇයි අද මේ වගේ Press conference  එකක් තියන්න හිතුවේ.

කිගී: ඇක්චුවලි නිවේ මට අද කරන්න වෙන වැඩක්  තිබුනේ නෑ.. මම දන්නවා ඔයාලාටත් මගේ ඒවා අහනවා  තරම් සතුටක් නෑ කියලා  ඒකයි

නිවේ: අනිවාර්‍යෙයන්ම. කිගී අපි තවත් දවසක මේ වගේම හමු වෙමු.. අවසාන වශයෙන් දෙයක් කියන්න තියේද..

කිගී : ෂුවර් ..... මතකනේ  ඔයාලාට KGM <ස්පේස්> Iliketodie   කියලා මුට්ටිය දුරකතන ජාලයෙන් SMS කරන්න ඇති තරම් 3035 ට 

බායි බායි.. අයි ලව් යූ ඔල්......


අවසානයේ තිරය වැසිනි..... සියල්ලෝම සතුටින් විසිර ගියෝය.




මේකත් බලන්න.....

අපි වෙනුවෙන් අපි

ස්ටේටස් එක හොරකම් කලේ මගේ මරණය අයියාගෙනි :D

Anushka Lakmal - බනියා (https://www.facebook.com/anushka.lakmal?ref=ts) අපි හැමෝම දන්නා බ්ලොග් සහෘදයෙක්..

බනියාගේ චරිතයට හානි වන ලෙස ෆෙස්බුක්හි පිස්සු "හැදෙන සඳ (PissU HaDena SaDa)" (https://www.facebook.com/pisssu.hadena.sada) නම් පිටුවක් මාර්ගයෙන් මඩ ප්‍රචාරයක් මේ වන විට කෙරීගෙන යනවා.. අපේම සොහොයුරෙක් වන බනියා එවං දෙයක් නොකරන බව එම මඩ ප්‍රහාරය දෙස බැලු සැනින් වටහාගන්නට පුළුවන්.. එම මඩ ප්‍රහාරහ සදහා සබැදිය..
(https://www.facebook.com/anushka.lakmal/posts/322675214468005)

තව දුරටත් ඔවුන් විසින් එම පිටුවේ පල කර ඇති පොස්ටුවේ බනියට පක්ෂපාතිව දමන කමෙන්ටු ඉවත් කරමින් සිටිනවා. එම පොස්ටුවෙන් ඔවුන් බනියව රිපෝට් කරන්න කියා ඉල්ලා තිබෙනවා.

අපි ඔබ ඒකට බ්ලොග් ලියන්නනං වශයෙන් බනියා වෙනුවෙන් ඉදිරිපත් විය යුතු වෙලාවයි මේ.. ඔබත් බනියා මෙවැනි දෙයක් කෙදිනවකත් නොකරනවා යැයි සිතනවා නම් මෙමෙ තුප්පහි පේජ් ඒකරිපෝට් කරන්න.. මෙම පණිවිඩය අපේ බ්ලොග් ලියන යාළුවන් අතර බෙදාගන්න.. — at බනියා වෙනුවෙන් මල අතට ගෙන.