මම

මන්දාරම් අඳුරට පෙම් බඳිනා පහන් වැටිය විලසේ.... හිරු රැස් දහරට ආල වඩන මං බිනර මලකි පොළවේ....... දිය මත පිහිනා රැලී හැඩ ගන්වන විලත් අහිමි විලසේ........ ‍ කිසිත් නොදැන මට මා අහිමිව ඇත නොලැබ පෙමක පහසේ.........

Jun 24, 2012

Let us learn English හෙවත් ගනු කඩුව !!



එදිනෙදා ජීවිතයේදි ඉංග්‍රීසි භාෂාව ඔවට කොතරම් වැදගත්ද?. ඔබ නොයක් ආකාරයේ හේතු කියාවි.  ඒ අතර මෙන්න මේ වගේ හේතු තියෙන්න පුළුළුනි.
ඉංග්‍රීසි කියන්නේ විශ්ව භාෂාවක් වීම
රැකියාවේ භෘවිතයට
වෙනත් රටවලග සංචාරයේදි
වෙනත් ප්‍රාන්ත වල සංචාරයේදි.
අත්තර්ජාලය හරහා ගනුදෙනු කිරීමේදි.

මෙකී නොකී හේතු රාශියක් තිබේවි. ඉතින් ඔබත් තමන්ගේ දෙවැනි භාෂා හැකියාව වැඩි දියුණු කර ගන්න වෙහෙස වෙන කෙනෙකු නම් මම මේ සුදානම් වෙන්නේ ඔබට ඒ සම්බන්ධ උදව්වක් කරන්න.
ඔබ හිතන්නේ ඉංග්‍රීසි ඉගෙන ගන්න පුළුවන් හොඳම විදිය කුමක් කියලාද?

ප්‍රසිද්ධ ගුරුවරයෙකු වෙත යාමද එසේත් නැතිනම් ප්‍රසිද්ද ආයතනයකට ගොස් ඉගෙන ගැනීමද. මම හිතන්නේ ඒ ආකාර දෙකට අමතරව ඔබත් යමක් කල යුකු වෙනවා, ඒ තමයි භාෂාව භාවිතය, ඔබ කෙතරම් දක්ෂ ගුරුවරයෙකු යටතේ ඉගෙනුම ලැබුවත් එයින් කිසිම පලක් වෙන්නේ නැති වෙයි ඔබ භාධාව භාවිතා නොකරනවානම්..



ඒත් කොහොමද භාෂාව භාවිතා කරන්නේ.. ??? ඉගැනිමේ අරමුනින් ඔබ ඔබේ මිතුරන් අතරේ ඉංග්‍රීසි භාෂාව භාවිතා කලොත් ඇතැමෙක් ඔබව සරදමට ගක් කරන්න තියෙන ඉඩකඩ වැඩියි. ඇත්ත සමාජය එහෙමයි. අනෙකාගේ අවශ්‍යතාවය දෙස ඔවුන් බලන්නේ ඒ කෙනාට සිනා සීමට තවත් හොඳ විහිලුවක් විදියට වෙන අවස්ථා එමටයි..

ඉතින් ඇයි ඔබ කවුරුත් වෙනුවෙන් බලා සිටින්නේ.. ඔබට ඉංග්‍රීසි භාෂාව කතා කරන්න පුළුවන් හොඳම කෙනා ඔබම පමණයි.. ඔබට වැරදුනු විටෙක ඔබ ඔබට සිනා නොවනෙවා ඇති.

හොඳයි , අතුරු කතා ඇති!! අපි යමු අද මම කියන්න හදන දේට..
ඒ තමයි ඔබටම ඔබේ ඉංග්‍රීසි දැනුම වර්ධනය කර ගන්න පුළුවන් ක්‍රම  හතලිහක් ගැන මම කියලා දෙන්න උත්සහ ගන්නේ.  මේ ක්‍රම හතලිහ ගැන අපිට කියලා දුන්නේ දැනට මම සේවය කරන පාසල හෙවත් නුවර එළිය ලයිසියම් ජාත්‍යන්තර පාසලේ විදුහල් පති තුමිය වත ප්‍රකාෂ්පතී මැතිනිය. මෙයින් බොහොමයක් අදටත් මම උනත් භාවිතා කරන දේවල්.
සිංහල මාධයයෙන් ඉගෙන ගෙන උසස් පෙලට ඉංග්‍රීසි විශයට S සාමාර්ථයක් විතරක් ගත්තු මම, IDM ආයතනයේ EDEXEl BTEC ඩිප්ලෝමාව හදාරන්න පළමු පනිත්තියට ගිහින් ඉංග්‍රීසියෙන් උගන්වන නිසා ආයිත් පන්තියන්න බෑ කියාගෙන අඬාගෙන ගෙදර ආපු මම, ඒ බැජ් එකේ හොඳම සාමාර්ථය අරගන්න තරමට දියුණු උනේත් අද  ජාත්‍යන්තර පාසලක ගුරුවරියක් විදියට වැඩ කරන්න වාසනාව ලැබුනේත්, මා විසින්ම මේ කියන උපක්‍රම  බොහෝමයක් භාවිතා කරපු නිසා..

අදටත් ඉංග්‍රීසි කියන භාෂාව මම ඉගෙන ගන්නවා.. අළුත් ව්‍යාකරණ නීති, අළුත් වචන.... ඒ හැම දේකදිම මේ කියන ක්‍රම එකක් හරි භාවිතා වෙනවා...

ඔන්න එහෙනම් ක්‍රම 40

1.       Write a news diary
එදිනෙදා අහන වැදගත් ප්‍රවෘත්ති ඉංග්‍රීසියෙන් ලියන්න උත්සහ කරන්න

2.       Sign up for regular English team
ඉංග්‍රීසි ඉගැන්වීම් කරන පන්තියක් හෝ වෙබ් අඩවියකට නිතර පිවිසෙන්න

3.       Listen to English music

4.       Read the lyrics of a song
ඉංග්‍රීසි ගීතවලට සවන් දෙන අතරතුර එහි ගීපද පොතක සටහන් කරන්න.. නැවත නැවත අසමින් සියලුම පද සටහන් කර ගන්න

5.       Search only in English
අන්තරේ ජාලයේ සෙවීම් කරන විට ඉංග්‍රීසි පමණක් භාවිතා කරන්න

6.       Read a book which already read, watch a movie which is in your own language
ඔබ කියවා ඇති පොතක් ගෙන එහි  පරිවරිතනය කියවන්න, එසේත් නැතිනම් චිත්‍රපටයක සිංහල හඬකැවීමද නැවත නරඹන්න

7.       Read the translation in English (skip first 10 pages)
ඔබ කියවන ඉංග්‍රීසි පොතෙහි මුල් පිටු 10 අත්හරින්න.. ඔබට කියවීමේ රුවිය වැඩ්වනු ඇත, (හඳුන්වාදීම. පටුන, කතෘ ප්‍රකාශ වැනිදෑ ඔබගේ කියවීමේ රුවිය අඩු කරන්නේනම්)

8.       Read a book with a lot of dialogs
දෙබස් බහුල පොත් කියවන්න.. ඡේද කියවීමේදි ඇතිවන කම්මැලි කම සහ තේරුම් ගැනීමේ අපහසුව මෙහිදී මඟ හැරෙනු ඇත

9.       Read English language comic 
ඉංග්‍රීසි බසින් ඇති විහිලු කතා කියවන්න.

10.   Read English language entertainment guides
ක්‍රිඩා, සිනමා, සංගීතය වැනි අංශ පිලිබඳ දැන්වීම් මෙන්ම වෙළඳ දැන්වීම් ද ඉංග්‍රීසි බසින් ඇති නම් ඒවා කියවන්න.

11.   Read English language magazines
ඉංග්‍රීසි බසින් ප්‍රකාශණය වන සඟරා කියවීමට හුරු වන්න

12.   Teach your friends or children some English
ඔබගේ මිතුරෙකුට හෝ කුඩා දරුවන්ට ඉංග්‍රීසි භාෂාව  උගන්වන්න

13.   Have an English radio at home
නිවසේදී ඉංග්‍රීසි බසින් ප්‍රචාරණය වන තුවන් විදුලි නාලිකාවනට සවන් දෙන්න

14.   Try to create sentences with the work that you are doing
ඔබ කරමින් සිටින කාර්‍යය හා සම්බන්ධ කුඩා වාක්‍ය ඉංග්‍රීසියෙන් තනා ගන්න
(Now I am typing a blog post)

15.   Watch English movies with English subtitles
ඉංග්‍රීසි චිත්‍රපට ඉංග්‍රීසි උපසිරුසි සමග බලන්න

16.   Watch English movies with subtitles in your mother tongue
ඉංග්‍රීසි චිත්‍රපට ඔබගේ භාෂාවේ  උපසිරුසි සමඟ බලන්න

17.   Watch same film over and over again
එකම ඉංග්‍රීසි චිත්‍රපටය නැවත නැවත බලන්න

18.   Be realistic about your level
ඔබගේ දැනුම පිළිබඳ  විමසිලිමත් වන්න. ඉංග්‍රීසි විශය සම්බන්ධ විශේෂිත අයතනයකින් පාඨමාලාවක් හදාරා සහතික පත්‍රයක් ලබාගන්න

19.   Be realistic about your reading level
ඔබගේ කියවීමේ හැකියාව පිළිබඳ විමසන්න. එය වැඩි දියුණු කරගන්න

20.   Graded readers
සරළ කියවීමේ පොත්. (පෙනිගුවින් පොත්)

21.   Read the whole thing with no help
සියල්ල තේරුම ගැනීමට උත්සහ නොකර  කියවා නිම කරන්න.

22.   Read and learn every thing
දෙවනුව සියල්ල කියවා තේරුම් ගන්න. (ශබ්දකෝෂයක ආධාරයෙන්)

23.   Watch English children’s programs (Film / TV series)
කුඩා ළමුන් සඳහා සැකසු රූපවාහිනි වැඩ සටහන් හා චිත්‍රපට නරඹන්න

24.   Read English Children’s books
කුඩා ළමුන් සඳහා ලිවු පොත් කියවන්න

25.   Keep vocabulary list (list of language to learn)
අළුත් වචන ලැයිස්තුවක් සකස් කර ගන්න

26.   Go through your vocabulary list several times every day
වචන ලැයිස්තුව නැවත නැවත කියවන්න

27.   Convert your vocabulary only in English
වචන ලැයිස්තුව ඉංග්‍රීසි භාෂාවෙන් පමණක් සකසාගන්න

28.   Cross out and delete
ඔබ හොඳින් උගත් වචන ලැයිස්තුවෙන් ඉවත් කරන්න

29.   Through  everything and start it again in interesting  way
වචන ලැයිතුව ඉවත දමා නවමු මාතෘකාවකින් නව ලැයිස්තුවක් සකස් කරන්න

30.   Label the things is your surrounding (Home / Room/ Office)
නිවසේ, කාර්‍යාලයේ, කාමරයේ ඇති භාන්ඩ  ඉංග්‍රීසි භාෂාවෙන් නම් කරන්න

31.   Label a drawing
චිත්‍රයක් හෝ පින්තූරක් ගෙන එහි ඇති දෑ ඉංග්‍රීසි භාෂාවෙන් නම් කරන්න

32.   Keep a diary in English ( your own feelings)
ඔබේ සිතුවිලි ඉංග්‍රීසි භාෂාවෙන් ඩයරියක ලියන්න

33.   Online chat

34.   Listen to the news in English

35.   Read English language newspapers  by referring to a dictionary
ශබිද කෝෂයක ආධාරයෙන් ඉංග්‍රීසි පුවත්පත් කියවන්න

36.   Write fictions in English
ඉංග්‍රීසි භාෂාවෙන් කෙටි කතා ලියන්න

37.   Use a dictionary while watching movie
ශබිද කෝෂයක ආධාරයෙන් ඉංග්‍රීසි චිත්‍රපට නරඹා තේරුම් ගන්න

38.   learn some spelling rules
ව්‍යාකරන නීති ඉගෙන ගන්න

39.   learn as many words as you can, in same category
එකම වර්ගයේ  වචන හැකි තරම් ඉගෙන ගන්න (කුරුල්ලන්ගේ නම්, සතුන්ගේ නම්)

40.   Set a goal (set a particular time to study)  
ඉංග්‍රීසි භාෂාව වැඩි දියුණු කර  ගැනීම වෙනුවෙන් දවසේ නියමිත වේලාවක් වෙන් කරවා ගන්න


ඒ සටහන් උනේ මම කියපු ක්‍රම 40. ඉතින් මේක භාවිතා කරලා බලලා ගුන දොස් කියන්නකෝ......